اسلام آباد۔ 13 ستمبر (اے پی پی) وزیراعظم محمد شہباز شریف ضلع باجوڑ تے ضلع جنوبی وزیرستان اچ فتنہ الخوارج دے دہشت گرداں دے خلاف کامیاب کارروائیاں تے سکیورٹی فورسز کوں خراج تحسین پیش کیتے۔وزیراعظم دفتر دے میڈیا ونگ توں جاری بیان اچ وزیراعظم محمد شہباز شریف انہاں آپریشنز اچ فتنہ الخوارج دے 35 دہشت گرد کوں ہلاک کرݨ تے سکیورٹی فورسز دی پذیرائی کیتی۔ وزیراعظم ضلع جنوبی وزیرستان دے آپریشن اچ دہشت گرد دا بہادری نال مقابلہ کریندے جام شہادت نوش کرݨ آلے سکیورٹی فورسز دے 12 جواناں کوں خراج عقیدت پیش کیتا۔وزیراعظم شہداء دے اُچے درجات دی دعا کیتی تے نہاں دے گھرآلیں نال تعزیت کیتی ۔ وزیر اعظم آکھیا جو دہشت گردی دے خلاف جنگ اچ سکیورٹی فورسز سیسہ پلائی دیوار دے طور تے کھڑی اے ، پوری قوم شہداء کوں سلام پیش کریندی اے۔ وزیر اعظم آکھیا جو ملک توں ہر قسم دی دہشت گردی دے منڈھوں مکاوݨ سانڳے پرعزم ہیسے۔
