راولپنڈی۔20اگست (اے پی پی) پاک فضائیہ گلگت بلتستان اچ وݙے پیمانے تے فلڈ ریلیف آپریشن شروع کر ݙتے۔ اوکھے موسمی حالات اتے اوکھے پہاڑی علاق??ں دے اندر پ??ے عزم دا مظاہرہ کریند??ں ، پاک فضائیہ دے سی 130 جہاز دے ذریعے 7 ٹن سُکا راشن، روز مرہ استعمال دیاں کھاوݨ پیوݨ دیاں چیزاں اتے زندگی بچاوݨ آلیاں دوائیں پی اے ایف بیس نور خان توں گلگت کیتے روانہ کیتیاں ڳئن۔ آئی ایس پی آر توں جاری بیان موجب اے کھیپ پرے دے چھل توں متاثرہ وادیاں اچ نیشنل ڈیزاسٹر منیجمنٹ اتھارٹی دے نال رَل تے ونڈی ویسی، ایں ڳالھ کوں یقینی بݨیندیں ہوئیں جو کمیونیکیشن لائناں دی خرابی پاروں رابطے توں وکھ تھئے ݙکھی خانداناں تئیں ضروری سامان پُڄ ونڄے۔ انسانی ہمدردی دیاں کوششاں اچ، 75 پھتے ہوئے لوکاں کوں وی پی اے ایف دی امدادی ٹیم آفت زدہ علاقیں توں کݙھیا۔ اے تکھی اتے مربوط کارروائی ملک گیر ہنگامی امدادی مہم دا حصہ اے، جیڑھی قدرتی آفتاں دے دوران جاناں دے تحفظ کیتے پاکستان دی مسلح افواج دے مسلسل عزم کوں اُجاگر کریندی اے۔ آندے ݙینھاں اچ پی اے ایف دے جہاز اتے زمینی ٹیماں مسلسل امدادی کارروائیاں اچ مصروف رہسن، خوراک، دوائیں، پناہ گاہواں اتے طبی امداد گھٹ ورتݨ آلے طبقیں تئیں پُڄائی ویسی۔ پاک فضائیہ دے ویلھے سر اتے پرعزم جواب گلگت بلتستان اچ چھل توں متاثرہ خانداناں کیتے نویاں امیداں جاڳئن جیں آزمائش دی ہر گھڑی اچ قوم دے نال موڈھے نال موڈھا رلا تے کھڑے تھیوݨ دے پاکستان دیاں مسلح افواج دے پ??ے عزم دا اعادہ کیتے
