اسلام آباد۔8اکتوبر (اے پی پی) چیئرمین سینیٹ سید یوسف رضا گیلانی اورکزئی اچ سکیورٹی فورسز ولوں 19 بھارتی حمایت یافتہ دہشت گرداں کوں جہنم واصل کرݨ تے فورسز کوں زور دار خراج تحسین پیش کیتے۔ بُدھ کوں سینیٹ سیکرٹریٹ توں جاری بیان موجب چیئرمین سینیٹ آکھیا جو میں ایں بہادرانہ کارروائی اچ جام شہادت نوش کرݨ آلے لیفٹیننٹ کرنل جنید طارق، میجر طیب اتے 9 جواناں کوں سلام عقیدت پیش کرینداں، قوم آپݨے انہاں بہادر سپوتاں دی قربانیاں تے فخر کریندی اے۔ انہاں شہداء دے لواحقین نال دلوں ہمدردی اتے تعزیت دا اظہار کریندیں ہوئیں آکھیا جو شہداء دی قربانیاں قوم دا قیمتی اثاثہ ہن جنہاں کوں کݙاہیں بھلایا نہیں ونڄ سڳدا۔ چیئرمین سینیٹ سید یوسف رضا گیلانی زخمی تھیوݨ آلے جواناں دی تکھی صحت یابی کیتے دعا وی کیتی۔ انہاں آکھیا جو اساݙے افسراں اتے جواناں آپݨی جاناں تے کھیڈ تے دہشت گرداں دے ناپاک ارادیاں کوں مٹی اچ ملا ݙتا، پوری قوم دہشت گردی دے خاتمے کیتے آپݨی سکیورٹی فورسز دے نال کھڑی اے۔ چیئرمین سینیٹ آکھیا جو دہشت گردی کوں منڈھوݨ مُکاوݨ کیتے قوم، حکومت اتے افواج پاکستان متحد ہن۔
.jpg)
