اسلام آباد۔3 اکتوبر(اے پی پی) وفاقی وزیر داخلہ محسن نقوی بلوچستان دے ضلع شیرانی وچ بھارتی سپانسرڈ دہشتگرداں دے خلاف کامیاب آپریشن تے سکیورٹی فورسز دی پیشہ ورانہ صلاحیتاں دی تعریف کریندے آکھیے جو فورسز ٹائم تے کارروائی کرتے دشمن دے مذموم عزائم مٹی وچ ملا ݙتے۔ اپݨے بیان وچ محسن نقوی آکھیا جو سکیورٹی فورسز آپریشن دے دوران 7 دہشتگرداں کوں ہلاک کر ݙتا، جیندے تے پوری قوم انہاں دی بہادری تے قربانیاں کوں سلام پیش کریندی اے۔ انہاں آکھیے جو بلوچستان وچ امن قائم کرݨ کیتے سکیورٹی فورسز دیاں کامیابیاں قدر دی نگاہ نال ݙٹھیاں ویندن، دہشتگردی دے خلاف جنگ وچ پوری قوم فورسز دے مونڈھے نال رلائی کھڑی اے ۔ وزیر داخلہ ٻیا آکھیا جو بہادر جواناں دیاں ایہو جہیاں قربانیاں ملک کوں امن تے استحکام دے رستے تے چلاوݨ وچ سنگ میل ثابت تھیسِن۔
.jpg)
