اسلام آباد۔ یکم اکتوبر (اے پی پی) خاتون اول بی بی آصفہ بھٹو زرداری آکھیے پاکستان وچ سالانہ 40 ہزار توں ودھ تریمتاں چھاتی دے سرطان پاروں زندگی دی بازی ہر ویندن۔ ایوان صدر دے پریس ونگ موجب خاتون اول سرطان بارے وچ آگاہی دے مہینے دے موقع تے آپݨے ہک ویڈیو پیغام وچ آکھیے جو ملک وچ ہر سال 90 ہزار توں ودھ تریمتاں وچ چھاتی دے سرطان دی تشخیص تھیندی اے۔ خاتون اول آکھیا جو تریمتاں خود معائنے دا ہک سادہ طریقہ اپناون، بریسٹ کینسر دی سکریننگ ہزاراں زندگیاں بچا سڳدی اے۔ انہاں آکھیا پاکستان وچ چھاتی دے سرطان دے مریضاں دی کئی واری دیر نال تشخیص تھیندی اے، وقتی تشخیص تے درست علاج نال ایں مرض توں بچݨ دی شرح 90 فیصد توں ودھ اے ۔ بی بی آصفہ بھٹو زرداری ایں ڳالھ تے زور ݙتا جو آپݨی صحت کوں اہمیت ݙیوو، خاموشی تروڑو تے آگاہی ݙیو۔ انہاں آکھیا جو اساں رل تے زندگیاں بچا سڳدوں ہک صحت مند مضبوط پاکستان بݨا سڳدوں
