لاہور۔ 22 جولائی (اے پی پی):وزیراعظم محمد شہباز شریف آکھیے جو قوماں ملکی سالمیت، ترقی اتے معاشی پروگرام تے کوئی سمجھوتا نئیں کرینداں، اڳو تے موقع ملیا تاں پورے ملک اچ دانش سکولاں دا ڄال وچھیسوں، زراعت کوں ترقی ݙتی ویسی، میں ہی ڄاݨداں جو آئی ایم ایف نال کیوں معاہدہ تھئے، آئی ایم ایف معاہدہ نال ݙیوالہ تھیوݨ دا خطرہ ٹل ڳئے، ہݨ فیصلہ کرݨا ہوسی جو اپݨی تقدیر بدلݨی اے۔ اے ڳالھ انہاں الحمراء ہال لاہور اچ دانش سکولاں دے طلباء طالبات دی تقریب نال خطاب اچ آکھی۔ ایں موقع تے نگران وزیراعلیٰ پنجاب محسن نقوی ،وزیراعظم دی معاون خصوصی شزا فاطمہ اتے رانا مشہود سودھا ٻئے اعلیٰ حکام وی موجود ہن۔ وزیراعظم محمد شہباز شریف آکھیا جو دانش سکولاں دے ٻالاں اپݨی قابلیت نال ملک و قوم دا ماݨ اچا کیتے، دانش سکولاں دے منصوبے دی وݙی مخالفت کیتی ڳئی ہئی ٻھل ایندے باوجود جنوبی پنجاب اچ دانش سکول کھول تے علم دی نویں راہ کھولی اے ڄیندا سوڄھلا اڄ ہر کوئی ݙیہدا پئے۔ انہاں آکھیا جو اڄ الزام تراشیاں اتے بے بنیاد الزامات دا کوئی ڄاہ کائنی۔
.jpg)
.jpg)
.jpg)
