اسلام آباد۔18جنوری (اے پی پی):وزیر داخلہ شیخ رشید احمد آکھیے جو برطانیہ اتے پاکستان دے تعلقات پراݨے ہن، برطانیہ دے نال تعلقات کوں قدر دی نگاہ نال ݙیکھدوں ، پاکستانی نژاد برطانوی شہری ساݙا بہترین تےقیمتی اثاثہ ہن۔ وزارت داخلہ توں جاری بیان موجب اے ڳال انہاں پاکستان اچ برطانیہ دے ہائی کمشنر ڈاکٹرکرسچن ٹرنرنال ڳال مہاڑ اچ آکھی اے جنہاں منڳل کوں اتھاں انہاں دے نال ملاقات کیتی۔ ملاقات اچ پاکستان برطانیہ ݙو طرفہ تعلقات سودھے سانجھی دلچسپی دے ٻئے امور تے ڳال مہاڑ کیتی ڳئی تے سزا یافتہ شہریاں دی واپسی اتے مجرمان دی حوالگی متعلق پاک برطانیہ معاہدیں تے پیش رفت دا جائزہ ڳھدا ڳئے ۔ ملاقات اچ پاک برطانیہ ݙو طرفہ معاہدیں کوں وختی حتمی شکل ݙیوݨ تے جلدی دستخط کرݨ تے اتفاق کیتا ڳئے ۔
.jpg)
.jpg)
