اسلام آباد۔20اگست (اے پی پی) نائب وزیر اعظم اتے وزیر خارجہ سینیٹر محمد اسحاق ڈار آکھیا جو پاکستان کوں ولا معاشی قوت ٻݨاوݨ اساݙا ہدف اے۔ نینگر تعلیم، ہنرمندی اتے ٹیکنالوجی دے شعبے اچ سرمایہ کاری دا ذریعہ ٻݨ سڳدن۔ پاکستان دے نینگراں اچ ٻہوں صلاحیت اے۔ اے ڳالھیں انہاں منگل کوں یوتھ کنونشن توں خطاب کریندیں ہوئیں آکھی۔ انہاں آکھیا جو تعلیم ہر ٻال اتے نینگر دا حق اے، ت??لیم نال ملک دا مستقبل روشن تھیسی۔ نائب وزیراعظم آکھیا جو سارے ٻالاں کوں آکھداں جو سکھݨ دا عمل ہیشہ جاری رکھن۔ نائب وزیر اعظم آکھیا جو دورہ بلوچستان اچ ݙسیا ڳئیا جو کڄھ بلوچ ناراض ہن، میں آکھداں جو کوئی آپݨی دھرتی م??ں توں نی رُس سڳدا۔ آ??ݨے مسئلیاں دا حل رَل ٻہہ تے ڳولوں اتے ناراضگی دے ن??ں تے دہشت گردی دی کوئی گنجائش کائنی۔ محمد اسحاق ڈار آکھیا جو نینگر نسل محنت کوں ترجیح ݙیون۔ خصوصی سرمایہ کاری کونسل ٻݨاوݨ دا مقصد نینگراں کوں بااختیار ٻݨاوݨا اے۔ انہاں آکھیا جو ترقی اتے خوشحالی دے عہد اچ نینگر سانجھے دار ہن۔ نائب وزیر اعظم آکھیا جو 1998 اچ پاکستان ایٹمی قوت ٻݨیا، اساں آ??ݨے دفاع تے کݙاہیں سمجھوتہ نی کیتا۔ قومی فیدہ اساݙی پہلی ترجیح اے۔ 2013 دی حکومت اچ پاکستان کو?? کتھ تو?? کتھ پڄائے۔ اوں ویلھے پاکستان بارے ڈیفالٹ دا آکھیا ڳئیا پر پاکستان دنیا دی ابھردی ہوئی معیشت ٻݨٰا۔ محمد اسحاق ڈار آکھیا جو پی ڈی ایم حکومت پاکستان کوں بچاوݨ کیتے ہئی۔ اساݙے دشمن چاہندے ہن جو پاکستان کوں معاشی طور مُکا ݙتا ونڄے۔ انہاں آکھیا جو پاکستان کوں ولا معاشی قوت ٻݨاوݨ اساݙا ہدف اے۔
