اسلام آباد۔13اکتوبر(اے پی پی چیئرمین سینیٹ محمد صادق سنجرانی دا جامشورو دے نیڑے ایم نائن موٹر وے تے کراچی توں واپس گھراں کوں ونڄݨ آلے سیلاب متاثرین دی مسافر کوچ اچ بھاہ لڳݨ دے نتیجے اچ ٻہوں سارے لوکاں دے جاں بحق تھیوݨ تے ݙکھ تے افسوس کیتے ۔ سینیٹ سیکرٹریٹ توں جاری بیان موجب چیئرمین سینیٹ آکھیے جو جاں بحق لوکاں دے لواحقین دے ݙکھ اچ برابر دے شریک ہیسے ۔چیئرمین سینیٹ اللہ تعالیٰ توں جاں بحق لوکاں کیتے دعائے مغفرت، اچے درجے تے انہاں دے خاندان کیتے صبر دی دعا کیتی۔ چیئرمین سینیٹ مسافر کوچ دے حادثے اچ زخمیاں دی وختی صحتیابی دی دعا وی کیتی۔ ڈپٹی چیئرمین سینیٹ مرزا محمد آفریدی وی آپݨے انڄ سنھیے اچ مسافر کوچ کوں بھاہ لڳم دے واقعے تے ݙکھ تے افسوس کریندے ہوئیں آکھیے جو جاں بحق لوکاں دے لواحقین نال تعزیت دا اظہار کریندوں تے انہاں کیتے مغفرت دی دعا منگدوں۔
