اسلام آباد۔6اکتوبر(اے پی پی)وفاقی وزیر برائے خزانہ سینیٹر اسحاق ڈار آکھیے جو حکومت ایکسپورٹرز کوں 19 روپے 99 پیسے فی یونٹ تے بجلی ݙیسی، پاکستان کوں برآمدات ودھاوݨے ہوسن، ایکسپورٹرز 12 فیصد توں ودھ شرح نال برآمدات ودھائین۔ اے ڳالھ انہاں نیوز کانفرنس اچ آکھی جو ڈالر دی اصل قیمت 200 روپے توں تلے ہے، ڈالر دی قدر ڳھٹݨ نال ملکی قرض 26 سو ارب روپے ڳھٹ چکین، اے ویلھا کم دا اے، معاشی ترقی کیتے رل تے کم کرݨا ہوسی، سیاسی جماعتاں میثاق معیشت کیتے رل ٻاھون اتے ہک مٹھ تھیون۔انہاں آکھیا جو اڄ ایکسپورٹرز نال مذاکرات تھین، سابق حکومت روپے کوں کھلا چھوڑ ݙتا ہا ول ہر کہیں ݙٹھے جو تھیا کیا اے؟ انہاں آکھیا جو مارکیٹ اڄ چنقی ویندی پئی اے، میݙے ولݨ نال مارکیٹ اپݨا کم شروع کر ݙتے، ڈالر دی قدر ڳھٹݨ نال ملکی قرضاں اچ 26 سو ارب روپے کمی آئی، معاشی ترقی کیتے رل تے کم کرݨا ہوسی۔
.jpg)