اسلام آباد۔12جولائی(اے پی پی) وزیراعظم دے مشیر سیاسی امور رانا ثناء اﷲ آکھیے سپریم کورٹ دے تحریک انصاف کوں مخصوص نش??تا?? ݙہوِ دا تفصیلی فیصلہ آوݨ تے قانونی ماہرین نال مشورے دے بعد نظر ثانی دا فیصلہ کیتا ویسی ۔ تحریک انصاف کوں ایں فیصلے اچ او ریلیف ݙتا ڳئے جیں دی استدعا ہی نی کیتی ڳئی ،سنی اتحاد کونسل اچ بیان حلفی ݙے تے رلݨ آلے ارکان کوں کہیں ݙوجھی ݙوجھی جماعت اچ رلݨ تے الیکشن کمیشن ڈی سیٹ کر سڳدے م??جو??ہ حکومت دا بنیادی ایجنڈا ملک کوں معاشی بحران توں کڈھݨ اے ۔ اے ڳالھ انہاں پریس کانفرنس توں خطاب اچ آکھی ۔ رانا ثناء اﷲ آکھیے اساکوں عدالت عظمیٰ دے فیصلے دا احترام اے، ایندے جج بہترین اتے لائق احترام ہن، انہاں آئین دے تحفظ دا حلف چاتے تے انہاں دی بنیادی ذمہ واری اے، عدلیہ دے فیصلے نہ صرف انصاف تے ہوندن بلکہ انہاں اچ انصاف تھیندا نظر آوݨا چاہیدے ، عدالتی فیصلے عام فہم ہووݨے چاہیدن ، مبہم فیصلے کݙاہیں ملک و قوم دے مفاد اچ نی ہوندے ۔ رانا ثناء اﷲ آکھیے سپریم کورٹ اچ مقدمہ اے ہئی جو کجھ لوکاں آزاد امیدوار دے طور تے عام انتخابات اچ حصہ ڳھدا تے کامیابی گھنݨ دے بعد آئین و قانون موجب ترائے ݙینھ اچ باقاعدہ بیان حلفی ݙے تے سنی اتحاد کونسل اچ رلیے جیں دے بعد سنی اتحاد کونسل مخصوص نشستاں اچ حصہ منگیا جݙاں جو الیکشن کمیشن مؤقف اختیار کیتے جو سنی اتحاد کونسل بطور جماعت الیکشن ا?? حصہ نی ڳھدا ایں سانڳے انہاں کوں اے نشستاں نی ݙتیاں ونڄ سڳدیاں ایں فیصلے دے خلاف سنی اتحاد کونسل پشاور ہائی کورٹ ڳئی جتھاں ایں فیصلے کوں برقرار رکھیا ڳئے ، ول سنی اتحاد کونسل سپریم کورٹ ڳئی سپریم کورٹ دا فیصلہ سنی اتحاد کونسل دے حق اچ نی آیا ، سنی اتحاد کونسل دی استدعا منی کائنی ڳئی بلکہ ہݨ فیصلہ تحریک انصاف دے حق وچ آئے، تحریک انصاف مخصوص نشستاں دا دعویٰ کیتا ہی کائنی کیوں جو آزاد ارکان تحریک انصاف اچ رلیے ہی کائنی جݙاں جو کاغذات نامزدگی اچ کتھائیں پی ٹی آئی نال پارٹی جڑت دے جواز دی بنیاد تے فیصلے اچ اے قرار ݙتا ڳئے جو 39 ارکان دا تعلق تحریک انصاف توں اے جݙاں جو باقی 41 توں ول انہاں دی صلاح پچھݨ دا حکم ݙتا ڳیا ۔ انہاں آکھیے آئین دے آرٹیکل 51 تے 106 قطعی طور تے ایں صورت حال کوں قبول نی کریندے اے فیصلہ قانون کوں ول لکھݨ دے مترادف اے، ایہوسواں فیصلہ آرٹیکل 63 اے متعلق کیس اچ وی آیا ہئی جیں کوں سارے قانونی ماہرین آئین ول لکھݨ دے مترادف قرار ݙتا ہئی ۔ رانا ثناء اﷲ آکھیے جے کوئی ممبر بیان حلفی ݙیوے جو ھک جماعت اچ رلیے ول کہیں ݙوجھی جماعت اچ رلسی تاں ایں تے نویں مقد??ہ بازی شروع تھیسی انہاں آکھیے سپریم کورٹ دا تفصیلی فیصلہ آوݨ دے بعد قانونی ٹیم حکومت کوں جیڑھی صلاح تیسی اوندی روشنی اچ اڳوں ودھیا ویسی ایں فیصلے توں کجھ ارکان وی متاثر تھئن او وی ایندے خلاف اپیل نظر ثانی اچ ونڄ سڳدن حکومت کنے وی نظرثانی دا آپشن م??جو?? اے
